மறுபக்கம்.....

பாராட்டுகள் பாராமுகமாகும்போது ...
பார்வைகள் லாபம் ..நஷ்டம் ..பார்கின்றன ..?!

விமர்சனங்கள் விழிகளின் முன்னிலையில்
அரங்கேறுவதில் தானே நியாயம் இருக்கிறது ..?

முகத்தை கண்ணாடியில் பார்த்து பெருமைபடுவதைவிட ....
முகவரிகளை முதுகில் தைத்து முன்னுரை எழுதலாமே ..?

இந்த சமுதாயத்தில் ..முதல் பக்கத்தை..
தொலைத்துவிட்டுதானே ..மறுப்பக்கத்தை
தேடுகிறார்கள் இந்த மனிதர்கள் ....!!!

ஒவ்வொரு பக்கமும் கவனமாய்த்தான் புரட்டினேன்
முதல் பக்கத்திலிருந்த முன்னுரையை படிக்காமல் ..

அச்சமில்லாமல்தான் அச்சுக்கும் ஏற்றினேன் ...
கடைசி பக்கத்திலிருந்த முடிவுரையை படிக்காமல் ,

ஒவ்வொரு பக்கங்களிலும் என் ஏக்கத்தை வடித்தேன் ....
எழுதி முடித்தவுடன் என் தூக்கத்தை தொலைத்தேன் ...!!!

வர்ணங்கள் இல்லாமலே வானவில் தீட்டினேன் ..
கண்ணீர் மழையில்..அது கரைந்தே போனது ..!

மர்மங்கள் இல்லாமல் மனதை காட்டினேன் ..
மனிதர்கள் பிழையில் அது மாயமானது ...!

காரணம் தெரியாமலே தோரணம் கட்டினேன் ..
அர்த்தம் புரியாமலே அகராதி எழுதினேன் ..

இறுதியில் ...புத்தகம் எழுதாமலே ..
என் மறுபக்கத்தை தொலைத்துவிட்டேன் ..!?